Со храна против депресијата

Човекот претставува целина од телесно, душевно и духовно. Физичкото здравје влијае врз менталното здравје и обратно.

Со храна против депресијата

Депресијата како ментална болест претставува една од честените здравствени проблеми кај луѓето. Лицата кои се депресивни имаат тешкотии во секојдневното функционирање, често ги следи чувство на безвредност, имаат намалена мотивација и страдаат од несоница.

Придобивките од терапијата и медикаментите се добро познати, но има уште една важна област која треба да се земе предвид – храната која ја  конзумираме.

Омега – 3 масни киселини

Овие корисни масти се неопходни за градење на нервните врски во мозокот како и за рецепторите за невротрансмитери, како што е серотонинот. Истражувањата покажуваат дека луѓето кои страдаат од депресија имаат пониско ниво на омега-3, што може значително да ги засили симптомите на депресија.

  • Јадете повеќе: масна риба како лосос, скуша, пастрмка и сардини. Лененото семе, чиа семето и оревите се исто така добар извор на омега-3 масни киселини.

Со храна против депресијата

Б витамини

Б витамините се важни за функцијата на нервниот систем и за создавање енергија од храната. Исто така, се сметаат за „анти-стрес“ материи кои помагаат да се намалат симптомите на анксиозност и депресија. Нацинот (Б3), пиридоксинот (Б6) и фолната киселина, сите заедно со амино киселината триптофан учествуваат во создавање на серототнин (хормонот на „добро чувство и среќа“).

  • Јадете повеќе: мешунки, житарки, јатки, семки, зелен лиснат зеленчук, пилешко месо, црвено месо и млеко.
  • Јадете помалку: рафинирани зрна и преработена храна.

Шеќер во крвта

Обидете се да задржите избалансирано ниво на шеќер во крвта. Ако тоа се менува во текот на денот, може да биде фактор кој влијае врз вашето расположение и да ги засили симптомите на депресија. Исхраната богата со бел шеќер и обработени јаглени хидрати предизвикува ненадејни врвови и падови во количината на гликозата во крвта, што може да резултира со раздразливост, променливо расположение и анксиозност.

  • Јадете повеќе: житарки, свежо овошје, зеленчук и мешунки. Јадењето помали, но почести оброци, вклучувајќи ја храната богата со протеини, исто така, помага да се нормализира нивото на шеќер во крвта. Вклучете јогурт, ореви, семки, јајца, риба, пилешко и мешунки.
  • Јадете помалку: преработена храна и слатки и намалете го кофеинот и алкохолот.

Триптофан

Серотонинот, невротрансмитерот кој е одговорен за чувството на среќа, се произведува во телото со користење на аминокиселината триптофан. Триптофанот е исто така потребен за производство на мелатонин, кој е од витално значење за здрав сон. Ниското ниво на серотонин се поврзува со депресија, анксиозност, несоница и замор. Истражувањата покажале дека со зголемување на триптофанот се намалува депресијата.

  • Јадете повеќе: пилешко, мисиркино месо, јунешко месо, интегрален ориз, риба, млеко, јајца, сирење, ореви, банани, грашок, семки од тиква, компири, пченка, спанаќ.



Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.